One City of Missionary
Tuanbia Tawi
Pathian cu zungzal dong loin sunparnak pek si ko seh!
Hi mission rianṭuannak cu Pu Tluang Hnin le achungkhar sin ah One City Of Missionary rian hi thawk ding in Pathian nih apek hna tiah zumh le ruah hnu ah thlacamnak in thawk asi. Minung tampi cu Jesus Khrih cu ka kamhtu le ka Pathian tiah apawm hnu ah sualsal ah akir ṭhanmi tampi hmuh khawh asi. Zumtu thar hna cu khamhnak thawngṭha an co hnu ah thlakhat maw, khumkhat hnu ah maw sualsal ah an akir ṭhan hmuh tik ah hi rian hi ṭuan kho lo fial arak si. Cu Pathian rian cu kan ṭuan khawhnak hnga, Hniarlawn khua hruaitu hna cu hmunkhat ah rianṭuan dingin sawm an si. Saunawn te meeting tuah hmunkhat ṭhut hnu le thlacamnak hi Pathian rianṭuannak cu 2020 ah thawk arak si.
Rianṭuanak ah Khrihfabu thleidannak um lo in ṭuan asi lengah rianṭu hna zong Khrihfa bu kip fonh in ṭuan asi leng ah an dihlak in “volunteer”in ṭuan asi.
Pathian nih thluachuah apek tiah kan zumh. Hi mission rian athoknak ah khua khuat in ithawk arak si si nan Pathian nih thlauchuah apek caah kum ngam chungah Hniarlawn khua hlun, Hniarlawn Khua Thar , Nabual khua, Phai Khua,Nipi khua, Fiarti khua,Hranhring khua, Van Mual Thar khua, Rimte khua ,Aive khua le Lunghnam khua ah rianṭuan asi cang . Pathian nih khua tampi ah rianṭuan ding zong a kan pek chin lai kan zumh.
Vawlei cung khua zakip nih zumhnak ṭhawngchin in le fekchin kan kawl khawhnak hnga le Pathian bia hmunkhat teah kan ihrawm khawhnak hgna Online pumhnak le Pathian chimhnak zong ngeih asi. Pumnak a kan hruaitu hna hi , USA, Myanmar, Malaysia le India aum mi kan mi no hna hruainak in Pathian bia chim , thlacam le le thlasaknak in ngeih asi.
One City of Missionary nihin ni tiang akal khawhmi hi Pathian asi . Pathian rianṭuannak ah pumpak in siseh, khrihfa bu in si seh chungkhar in rianṭuan tu hna laksawng le Bible cawknak ah ape mi dihlak nih nan ṭuanmi, nan pek chanh mi asi.
Pathian nih sunparnak co sehlaw, zumtu hna nih zumhnak ah ṭhawngchin in an kal khawhnak hnga le Pathian bia cu an nun ah seh chih in an kal khawhnak hnga Pathian nih kan umpi ko seh.
Amen…Amen…Amen